广州D天气乱七八糟

冻咗一轮又开始热

每日谂着咩衫

都谂到发癫

最近热到你着短袖

冷空气又话要嚟

相信大家衣柜D衫

已经乱晒大龙

right？

不过大家唔使惊

今期可乐君

有冬日穿搭好介绍

教各位广女点样着得舒适又有型

网上一位插画家momo

po咗好多手绘穿搭作品

同大家分享最新嘅时尚

如果你想要着得

高级D有型D

跟呢位小姐姐学嘢就啱啦！

☟

今年貌似好hit条纹格仔外套

里面简单搭件Tee就好型

高腰阔腿西装裤可以拉长条腿

整体young得嚟又比较稳重

个性大胆嘅豹纹卫衣

就咁睇可能有D笨重感

不过衬飘逸嘅酒红色开叉裤

再加对厚底短靴

即刻成个人醒神晒！

黑色打底够晒百搭

不过就咁着黑色

会俾人感觉太过冰冷嘅感觉

外披玫粉色长外套

成个人精神晒亦更加吸睛

米白色毛绒外套

同样好容易显得笨重

不过搭配薄纱长裙

就整体轻盈好多

而且十分甜美可爱

做个cool girl唔一定要全黑

木炭灰长外套一样有型

简单嘅打底衫

再搭配修身蓝色牛仔长裙

型得嚟又唔会死气沉沉

粉红色都可以有型噶

上身搭配温暖嘅短款外套

下身穿着丝绒长裤拉高比例

唔会累赘之余

又不失冬日嘅感觉

红色打底显得面色更好

而白色外套又带俾人

干净清爽嘅感觉

再趁一条阔腿格仔裤

又多一分复古情调

卡其色外套都係冬天常规嘢

如果嫌斋着外套太boring

不如披条同色系嘅格仔围巾

咁就有型好多啦

well

上面有冇啱你心水嘅穿搭呢？

博主momo嘅社交平台上

仲有好多好靓嘅穿搭

大家有兴趣不妨see see！

若然你觉得

睇插画都未够喉

下边仲有一位博主嘅搭配推荐

就係呢位IG@m__yo__啦！

同头先睇到嘅穿搭一样

都係非常日常嘅款式

但係着起身就好有高级feel？

无论係翻工定係出游

呢一身搭配

都好拿得出手诶！

而且……

呢位po主话自己身高157cm

What？？

嗱，想要用搭配改变比例嘅朋友

真係要好好参考下啦！

每个人都有自己嘅穿搭喜好

你最钟意嘅冬日穿搭係点？

不如留言讲下啦！

资料来源：momo、m__yo__社交平台

编辑：Junko