趁住过年

《青春本我》嘅一班靓女

都出来营业啦！

Gigi炎明熙首只国语歌

《复杂》在剧中播出

听讲呢只作品听到大家起晒鸡皮

歌词同剧情衬到绝

“我的心很复杂，

我长大了我并不傻”

唱出咗少女成长嘅困惑

被称“国民初恋”姚焯菲

就变身“老虎仔”

继续用甜美俘虏宅男心

期间佢晒出一张

自己BB时期嘅贺年照

眯眯眼加包包面

方力申like到狂点心心爆赞

……

过咗年就又大一岁了

想年年十八keep住青春

不妨学下《青春本我》入面嘅学生哥

用靓look撑起呢场青春啦

▓▓▓▓▓▓▓▓▓▓▓░░░░努力“开撑”啦……

“学生装”唔止返学先可以穿

平时用啲元素衬翻下

减龄又时尚

格仔最百搭

无论喺边个时代

格仔百褶裙同格仔西裤

都係打造“学生look”嘅必备神器

格仔裙上面线条组成网格

可以模糊线条嘅存在感

如果係稍微有啲肉感嘅女仔

就可以起到修身作用

偏瘦嘅妹子着上身

又可以膨胀视觉

百褶设计唔会太飘逸

就算长度偏短show出长腿

依然俾到人一种乖巧嘅感觉

格仔西裤比净色款要花俏一啲

可以令人眼前一亮

学生哥着唔会太成熟

上班族搭衬衫翻写字楼又得

衬T恤偏休闲就啱行街消遣

都几百搭易衬噶

背心好磢镜

学生哥嘅校服

大多数係用浅色衬衫做打底

衬翻同样浅色嘅“冷背心”

就特别清爽干净了

所谓“冷背心”

就是毛线编织嘅背心

最百搭嘅学生装服饰之一

外搭嘅“冷背心”大多为V领设计

便于戴领带或者蝴蝶结

如果花啲心思

穿件衫袖有设计嘅衬衫打底

露出嚟嘅小细节可能俾到大家惊喜

除咗“学生装”可以用冷背心打造

深色衬衫衬冷色系背心

就非常适合职场人士

佢稳重得嚟又唔会显老

唔同嘅图案

仲可以体现唔一样嘅气质

多备住几款

遇到乜场合都唔使愁啦

西装要fit身

同依家潮流兴嘅over size款西装唔同

如果想走“学院风”嘅穿搭

西装外套应该选fit身嘅款式

尤其肩膀位置要选啱尺寸

搭配上

女仔如果衬裙最好拣短款啲

可以拉长下半身线条

而且显得比较精神、活泼

男仔想俾人乖乖学生哥嘅好印象

一定要将衫领、袖口抚平抚直

细节企理最加分

天冻嘅时候

可以衬多件冷背心喺入面

深浅撞色就增加层次感

书生得嚟不乏时尚感

运动添活力

翻学时最令人兴奋嘅

应该就係体育课

一套靓靓运动装

更容易令人有“小鹿乱撞之心”

爱篮球嘅ball boy一定会有背心球衣

单穿show出手臂线条的力量感

对身材唔够自信嘅男仔

都可以内搭T恤咁着

揽个波就即刻好似代言人咁出片

扮运动、真摆拍都好OK噶

喺“学院风”造型入面

棒球服嘅地位好重要

外披保暖增加活力

想时尚啲

可以同有帽卫衣叠穿

如果觉得棒球衫外套太“学生味”

比较想要成熟小小嘅运动风

都可以试下冲锋衣

爽滑嘅面料防水又快干

活力悠闲唔幼稚

校园生活

係青春记忆中最美好嘅时光

跟住Color扮个靓look

撑起呢场青春盛宴

MORE

今日娱乐看点

冰墩墩出生于广州

佢係一直灵动可爱的熊猫

设计者是来自广州嘅设计团队

设计理念为

未见过冰雪嘅孩子

对冰雪运动更有谂法

黄明昊係冬奥火炬手

Justin晒出自己举火炬嘅相

原来佢係今次冬奥嘅火炬传递手

佢话觉得好荣幸同自豪

要为中国队加油

胡一天邢菲係喜剧人

《你好，神枪手》热播中

胡一天演嘅“沈清源”

见到邢菲扮嘅“唐心”

叫其他人“大哥”

超级吃醋心有不甘

就狂送礼物将自己送上榜一

资料来源：豆瓣、微博

网络信息综合整理

编辑：郭玮

*文中图片版权归原作者所有，

如涉及侵权请联系，立即删除

扫描下方二维码订阅【微店】可乐生活小店【淘宝】羊晚生活馆【邮政】中国邮政微邮局▼

>>>

一次过get可乐报详细内容

羊城晚报报业集团旗下优秀生活类媒体可乐生活Color，度身打造专属广州人的吃喝玩乐指南，潮流风向标资讯。